Portali “Pro Pacientit” është kthyer në një “kuti ankesash” për të gjithë qytetarët shqiptar e veçanërisht për ata që përballen me sistemin shëndetësor.
Në adresë të kësaj redaksie ka mbërritur një denoncim i cili ngre një shqetësim shumë të madh. Edhe pse është investuar në aparatura dhe në mirëmbajtje, duket se ka një problem në organizimin e punëve. Pas orës 16:00 punon vetëm eko dhe grafia e urgjencës së QSUT-së. Të gjitha shërbimet, duhet të vijnë te urgjenca. Sipas denoncuesit, problem është veçanërisht për fëmijët.
“Eko-ja në urgjencën e kirurgjisë funksionon për të gjithë QSUT-n pas orës 16:00. Është një tmerr i vërtet tani që fillon dimri të shohësh kur sjellin nga pediatria nëpër shi fëmijët në urgjencë për një eko ose grafi.
Pasi si eko dhe grafia edhe pse janë në çdo pavion si te pediatria, infektivi etj. pas orës 16:00 nuk shërben asnjë përveç atyre të urgjencës së kirurgjisë” shkruhet në denoncim./ ProPacientit.com
