Përshtati në shqip: Blertina Koka
Shkencëtarët kanë krijuar hibridin e parë njeri-dele, duke i hapur rrugë zhvillimit të organeve tek kafshët dhe transplantimi i tyre tek njerëzit. Projekti i suksesshëm nga Universiteti Stanford, në Kaliforni, mund t’i hapë dyert gjithashtu gjetjes së një kure të re për diabetin e tipit 1, duke zhvilluar një pankreas të shëndetshëm që rregullon sheqerin në gjak.
Shkencëtarët kanë krijuar edhe më parë hibride njeri-derr, me shpresën që mund të përdoren për të zhvilluar organe për njerëzit, por nuk është bërë më e mundur hedhja e hapit tjetër.
Ndërsa ekipi i Universitetit Stanford, që e ka transplantuar me sukses pankreasin tek minjtë, mendohet të jetë i pari deri tani që ka krijuar një model njeri-dele për përdorim.
“Kemi gjeneruar aktualisht një pankreas të miut tek brejtësit dhe më pas e kemi transplantuar tek një mi diabetik, ku ka shfaqur rezultate shumë pozitive”, deklaroi drejtuesi i projektit, dr. Hiro Nakuachi, gjatë një konference të organizuar nga Shoqata Amerikane për Avancimin e Shkencës.
“Mund të marrë 5 deri në 10 vite, megjithatë mendoj se mund t’ia dalim”.
Ky zbulim i ri mund të ndihmojë gjithashtu në transplantin e organeve tek njerëzit, ku për shkak të mungesës së donatorëve të organeve, shumë njerëz humbasin jetën.
Burimi: Daily Mail / Shendeti.com.al
