Organizata Botërore e Shëndetit (OBSH) ka bërë thirrje për pezullimin e dozës së tretë të vaksinës derisa të shpërndahet në mënyrë të drejtë në vendet me të ardhura të ulëta.
“Për shkak të mungesës së vaksinave në vendet me të ardhura të ulëta, 1.5 persona për 100 banorë janë vaksinuar. Pezullimi i dozës së tretë deri në fund të shtatorit do të mundësojë vaksinimin e të paktën 10% të qytetarëve të secilit vend,” tha Tedros Adanom Gebrejesus, drejtor i Përgjithshëm i OBSH-së.
Ndërsa bota po lufton me variantin delta, një numër në rritje i vendeve po konsiderojnë futjen e një doze të tretë të vaksinës. Ekspertët e bazuan opinionin e tyre në të dhënat që tregojnë se vaksina fillon të humbasë efektivitetin e saj në parandalimin e infeksioneve me kalimin e kohës.
