Kompania e prodhimit të barnave Merck thotë se do të kërkojë autorizimin për ilaçin e parë antiviral kundër koronavirusit pasi në provat e para ka treguar rezultate pozitive. Merck thotë se përdorimi i kësaj barne e ul rrezikun e hospitalizimit apo të vdekjes në gjysmë, kur i jepet njerëzve me rrisk të lartë në ditët e para të infektimit.
Ky trajtim mund të bëhet shumë shpejt nxitës i një vale të tërë të produkteve antivirale, pasi ekspertët thonë se do të jetë lehtësisht i aksesueëshm nga më shumë njerëz në mbarë botën, duke ndikuar kështu edhe në zvogëlimin e pandemisë, raporton newsbomb.al.
“Unë mendoj se kjo përkthehet në mijëra jetë të shpëtuara në të gjithë botën, ku ka më pak qasje në antitrupat monoklonalë, dhe në SHBA gjithashtu,” tha Dr Robert Shafer, një specialist i sëmundjeve infektive dhe ekspert i terapisë antivirale në Universitetin Stanford.
Rezultatet e studimit të fazës së vonë të dy pilulave të tjera antivirale, njëra e zhvilluar nga Pfizer dhe tjetra nga Atea Pharmaceuticals dhe Roche, priten të dalin brenda muajve të ardhshëm.
