Përshtati në shqip për “Shendeti.com.al”: Blertina Koka
Për gratë që e pëlqejnë birrën, kemi një lajm të mirë. Një studim i ri ka zbuluar se lulet me të cilat prodhohet birra dhe i japin asaj shijen e hidhur, mund të ndihmojnë në parandalimin e kancerit të gjirit. Kjo bimë është lidhur gjithmonë me nivelet e hormonit, ku studime të ndryshme kanë treguar se ajo i ndihmon meshkujt të formojnë muskuj tek gjoksi, si dhe lehtëson simptomat e postmenopauzës duke rritur metabolizmin e estrogjenit.
Tani, të njëjtët ekspertë nga Universiteti i Ilniosit në Çikago pretendojnë se i njëjti proces mund të aktivizojë përbërësit kimikë që parandalojnë zhvillimin e tumoreve.
Hulumtuesit shkencorë aplikuan ekstrakte të bimës me të cilën prodhohet birra tek dy linja të ndryshme qelizore të gjirit, për të monitoruar efektet e tij tek metabolizmi i qelizave të estrogjenit. Metabolizmi i ulët i estrogjenit rrit rrezikun për t’u prekur nga kanceri i gjirit. Si edhe kishin shpresuar, hulumtuesit shkencorë zbuluan një përbërës të fuqishëm, 6-prenylnarigenin ose 6-PN, që ndihmoi në rritjen e normës së metabolizmit të estrogjenit.
“Duhet ta eksplorojmë edhe më tepër këtë mundësi, megjithatë, rezultatet tona sugjerojnë se përbërësi 6-PN mund të ketë efekte anti-kancer”, thotë autorja kryesore e studimit, prof. Judy Bolton.
6-PN është një fitoestrogjen i fuqishëm tek lulet me të cilat prodhohet birra (të quajtura Hops). Ai thyen receptorët e estrogjenit kur gëlltiten, duke furnizuar kështu aktivitetin e hormoneve. Aktiviteti estrogjenik i përbërësit 6-PN është aq i lartë sa ka pasur raste që punëtoreve femra që janë merrë me kujdesin e këtyre luleve u është ndërprerë cikli menstrual.
Sipas prof. Bolton, këto lule mund të jenë efektive për parandaluar kancerin e gjirit tek gratë që i nështrohen trajtimit të zëvendësimit të hormoneve (HRT) gjatë menopauzës.
Burimi: Daily Mail / https://shendeti.com.al/
