Kryefaqja Aktualitet Analizat jo më në QSUT /Laboratori vetëm për pacientët. Të tjerët te...

Analizat jo më në QSUT /Laboratori vetëm për pacientët. Të tjerët te klinikat e specialiteteve

0
Shpërndaje

Pas dhënies me koncesion të laboratorit në QSUT, janë ndaluar tanimë analizat specifike që bëheshin më parë si shërbim ambulator .Tanimë askush nuk mund të shkojë në QSUT të referuar nga mjeku i familjes apo mjeku specialist për të bërë analizën e markusit tumoral , hemoglobinë e glukozuar në gjak apo të tjera analiza nëse nuk je i pacient i shtruar në shërbimet e QSUT.

Ky është një urdhër i brendshëm i Ministrisë se Shëndetësisë, i cili i kërkon drejtorisë se QSUT , të mos pranojë asnjë pacient që vjen i referuar nga mjeku i familjes apo mjekë të poliklinikave të specialiteteve. Ministria e Shëndetësisë thotë se poliklinikat e specialiteteve janë pajisur me aparatura  për kryerjen e këtyre analizave

“Në poliklinikën e specialiteteve nr 3., është futur një gamë e re analizash, të cilat nuk bëheshin në fillim. Pacientit e rajonit tonë mbanin radhë të gjata për të bërë analizat në QSUT dhe tashmë e kanë afër dhe analizat specifike si e markusit tumoral , hormone të veçanta, elektrofoleza tashmë e hemoglobinës dhe e proteinës, bëhen pranë Poliklinikës së specialiteteve”, tha Manjola Lika, mjeke laboratori në Poliklinikën e specialiteteve nr 3.

Por në fakt në QSUT shkojnë vazhdojnë të paraqiten  paciente për shkak se nuk besojnë në analizat që mund të kryhen në poliklinikat e specialiteteve. Gjithsesi  ky është një ogur i mire nëse poliklinikat e specialitete do të kenë furnizim të vazhdueshme me reagentë dhe jo vetëm tani në fillim, kur janë pajisur me aparatura. Pasi edhe ne laboratorin më të madh në vend në QSUT ka pasur  herë pas here mungesa të reagenteve për shkak të vonesave në tenderë . Në këtë rast pacientët nuk kanë alternativë tjetër përvese tu drejtohen klinikave private.

Burimi: Top Channel

LËR NJË MESAZH

Please enter your comment!
Please enter your name here