Hetimet nga Instituti i Mjekësisë Ligjore kanë nxjerrë në dritë të tjera detaje lidhur me vdekjen e 35-vjeçares Aida Çajka dhe foshnjës që priste të sillte në jetë. Dyshohet se çarja e shpretkës, e përcaktuar edhe si diagnoza e vdekjes së 35-vjeçares, mund të ketë ardhur nga goditjet e fëmijës.
Nëndrejtori i Institutit të Mjekësisë Ligjore, Admir Sinamatit, ka thënë për ‘Gazetën Shqiptare’ se Aida Çajku mund të ketë pësuar çarje të shpretkës si pasojë e ndryshimeve hormonale, ose nga pesha e madhe e fëmijës.
“Foshnja ishte e madhe, pasi peshonte 4.8 kg. Dëmtimi mund të ketë ardhur edhe nga goditjet e fëmijës. Është një gjë që nuk përjashtohet”, theksoi nëndrejtori i mjekësisë ligjore, Admir Sinamati për “GSH”.
Ndërkohë pritet ekspertiza e mjekësisë ligjore për zbardhjen e plotë të vdekjes së dyfishtë në maternitetin “Koço Gliozheni”.
