Përgatiti për “Shëndet+”: Elena Beta
Para se të filloni një dietë të rreptë, në mënyrë që të eliminoni dhjamin e tepërt rreth belit, së pari duhet të gjeni se cfarë lloj yndyre keni dhe çfarë ju duhet të bëni për ta eleminuar.
Bark i shkaktuar nga stresi: bark i vogël i rrumbullakët zakonisht prek njerëzit që kanë probleme me tretjen. E vetmja mënyrë që të shpëtoni prej tij është të praktikoni stërvitje duke lënë mënjanë ushqimet kalorike, ushqimet e shpejta, si dhe ushqimet që përmbajnë sasi të mëdha kafeine.
Dhjamë në pjesën e poshtme të barkut: dhjami në pjesën e poshtme të barkut është i lidhur zakonisht me konsumimin e ushqimit. Ai mund të “shfaqet” tek njerëzit që nuk janë aktive mjaftueshëm. Në këtë rast, e rëndësishme është lëvizja e kombinuar me ushqime të ndryshme dhe lëngje frutash natyrale të cilat zvogëlojnë yndyrën.
Bark i fryrë: Barku i fryrë zakonisht ndodh si pasojë e intolerancës ushqimore, alergjive apo ushqimeve që përmbajnë sasi të vogla të vitaminave dhe mineraleve. Ju duhet të konsumoni pije që kanë ndikim pozitiv në sistemin e tretjes për të zvogëluar fryrjen. Në këtë rast, nuk keni nevojë për shumë stërvitje, por për një dietë të ekuilibruar.
Burimi: www.cuisineandhealth.com
