Dr.Gerald KOLA
(Mjek interist)
Gishtat e tamburit janë ndryshime poshtë dhe afër thonjve të duarve. Shtrati i thoit zbutet dhe thonjtë duket sikur zhyten duke krijuar një kënd më të mprehtë, në këtë mënyrë pjesa e fundit e thoit duket më e madhe dhe më kuqe.
Tamburizimi i gishtave mund të ndodhë shpejt apo brenda disa javëve!
Cilat janë shkaqet?
– shkaku më i shpeshtë është kanceri i mushkërive
– sëmundjet e zemrës dhe mushkërive në të cilat reduktohet sasia e oksigjenit
– defektet e lindura të zemrës
– infeksionet kronike të mushkërive në personat që vuajnë nga bronkoektazia, fibroza cistike, etj.
– fibroza e mushkërive
– endokarditi infektiv
Sëmundje të tjera:
– celiakia
– cirroza e mëlçisë
– Sëmundje të tiroides ( M. Graves)
– kancere të tjerë si ai i mëlçisë, gastrointestinal, limfoma Hodkin, etj.
Kujdes!
Gishtat e tamburit janë një shenjë që nuk duhet neglizhuar pasi mund të jetë prezantim i një patologjie serioze. Konsultohuni me mjekun tuaj.
