Çokollata mund ta ulë rrezikun e sëmundjes nga diabeti i tipit 2, atij ushqimor, sepse është e pasur me flavonoide. Këtë gjë e bëjnë të ditur kërkuesit e Universitetit të Anglisë Lindore bashkë me ata të Kolegjit Mbretëror të Londrës që kanë kontrolluar zakonet ushqimore dhe monitorur rezistencën e insulinës dhe nivelet e glukozës në gjak të mbi 2000 grave. Studimi është publikuar në “Journal of Nutrition”.
Çokollata s’është thjesht një ushqim i përfshirë në kërkim. Dhe sasitë e mëdha të frutave të pyllit, çajit, rrushi i kuq, majdanozi, trumza dhe selinoja, të gjitha të pasura me flavonoide, kanë një veprim mbrojtës. “Kemi zbuluar se ata që konsumojnë sasi të mëdha ushqimesh që përmbajnë flavonoide dhe antocianinë kanë nivele insuline rezistente më të ulët sesa ata që nuk i konsumonin”, shpjegon Aedin Cassidy, drejtues i studimit. “Kemi zbuluar dhe se kush hante shumë antocianinë ishte më pak i ekspozuar ndaj inflamacionit kronik, gjendje e lidhur me sëmundjet kronike shumë të shpeshta si diabeti, obeziteti, patologjitë kardiovaskulare dhe kanceri”.
