Kryefaqja Aktualitet COVID-19, vatër e re në Librazhd/ Infektohet tregtari i këpucëve, furnizohej në...

COVID-19, vatër e re në Librazhd/ Infektohet tregtari i këpucëve, furnizohej në Tiranë

0
Shpërndaje

Një 53-vjeçar është rasti i parë i identifikuar me Covid-19 në bashkinë e Librazhdit.

53-vjeçari me probleme në mushkëri, dyshohet se e ka marrë virusin në kryeqytet. Ai është shitës në një dyqan këpucësh në Librazhd, ndërsa gjatë fundjavave shet edhe në tregun e qytetit. Bashkia e Librazhdit është ndër të parat bashki që u shpallën të gjelbra, pasi risku i infektimit ishte minimal. Por, duket se mes qytetarëve, është rikthyer frika dhe domosdoshmëria e zbatimit të rregullave.

Para dy javësh ai është paraqitur në spitalin e Librazhdit, pasi vuante nga mushkëritë, ku është dyshuar edhe për Covid. Por, tamponi nuk e verifikoi një gjë të tillë dhe 53 vjeçari u dërgua për kurim më të specializuar në Tirane. Në datë 26 maj, gjendja shëndetësore e tij është rënduar dhe pasi ka marrë sërish ndihmën mjekësore në Librazhd, është dërguar në Tiranë, nga ku në tamponin e radhës rezultoi pozitiv.

Gjatë ditës së sotme janë marrë 6 tamponë tek punonjësit e spitalit të Librazhdit, ndërsa vazhdojnë analizat e familjarëve, pasi mundësitë e përhapjes janë të mëdha.

LËR NJË MESAZH

Please enter your comment!
Please enter your name here