Kryefaqja Aktualitet COVID-19/ Vdekjet në botë në nivelet më të ulëta prej gati një...

COVID-19/ Vdekjet në botë në nivelet më të ulëta prej gati një viti

0
Shpërndaje

Në rënie që nga fundi i gushtit, numri javor i vdekjeve të lidhura me koronavirusin e ri në botë ka arritur shifrën më të ulët që nga vjeshta e vitit 2020.

Me 53,245 vdekje të regjistruara nga e hëna 27 shtator, deri të dielën 3 tetor ose 7,606 mesatarisht çdo ditë, shifrat e përgjithshme të pandemisë COVID-19 ka vazhduar të bjerë, pas një kulmi prej 10 000 vdekjesh mesatarisht në ditë. Në një muaj, numri javor i vdekjeve ka rënë me gati një të katërtën (24%).

Në fillim të nëntorit 2020, pragu simbolik i 50,000 vdekjeve të regjistruara në një javë u arrit dhe u tejkalua shpejt, për të arritur përfundimisht në më shumë se 100,000 vdekje në javën e fundit të janarit, numri më i rëndë javor i pandemisë.

Pas një viti rimëkëmbjesh epidemike, të lidhura veçanërisht me përhapjen e varianteve, përfshirë Deltën shumë ngjitëse, kurba e infektimeve të reja është gjithashtu në rënie, me gati një të tretën, në krahasim me fundin e gushtit.

Me gati 81 doza të vaksinave kundër COVID-19 të administruara për 100 banorë në mbarë botën, autoritetet shpresojnë që kjo rënie të vazhdojë, edhe nëse pabarazi të mëdha mbeten midis rajoneve. Që nga 4 tetori, 123 doza për 100 banorë janë administruar në Amerikën e Veriut, e krahasuar me vetëm 11 në Afrikë. Gjysma e vendeve të kontinentit afrikan kanë imunizuar plotësisht më pak se 2% të popullsisë së tyre, sipas zyrës së Organizatës Botërore të Shëndetit për Afrikën.

Në total, rreth 4,8 milionë vdekje janë regjistruar në të gjithë botën, që nga zbulimi i virusit në dhjetor 2019 në Kinë.

Megjithtë, OBSH-ja vlerëson, duke marrë parasysh vdekshmërinë e tepërt të lidhur drejtpërdrejt dhe jodrejtpërdrejt me COVID-19, se rezultatet e pandemisë mund të jenë dy deri në tri herë më të larta se ato të regjistruara zyrtarisht.

LËR NJË MESAZH

Please enter your comment!
Please enter your name here