Ciro Vestita, dietolog italian
Shpeshherë, pacientët që vijnë tek unë për t’u dobësuar kanë edhe shqetësime të tjera, të lehta apo të rënda duke filluar që nga aciditeti u stomakut, gazrat, deri tek dhimbja e vazhdueshme e kokës. Meqenëse qëllimi i tyre është dobësimi, atëherë unë jap 
dietën që duhet ndjekur. Ndodh shpesh që ata, pas disa ditësh trajtimi, kthehen me një gjendje të përgjitshme të mirë dhe mungesën e disa shqetësimeve, mes të cilave edhe dhimbja e kokës. Pacienti i kënaqur më falënderon, por unë në të vërtetë nuk kam bërë asgjë, thjesht u kam këshilluar një edukim të shëndetshëm ushqimor. Ajo që ndodh me këta pacientë është se më parë organizmi rëndohej nga kequshqyerja, mëlçia në veçanti duke krijuar një gjendje “toksike”, e cila shkaktonte shqetësime të tilla, si: lodhje dhe dhimbje koke.
Ushqime të këshilluara:
Në rastet kur dhimbjet e kokës janë pasojë e një mbilodhjeje të mëlçisë këshillohen: angjinarë, carangth, ananas.
Ushqimet që duhen kufizuar: janë disa ushqime që në fizikë të predispozuar mund të ndikojnë në krizat e dhimbjeve të kokës: çokollata, kafja, çaji, alkoolet. / Shëndet+
