Dieta mesdhetare mbron edhe shëndetin e veshkave dhe kush e ndjek besnikërisht ul rrezikun për të pasur sëmundje kronike të veshkave me 50% dhe ul 
rrezikun për dëmtimin e tyre me 42%. Këtë e tregojnë kërkuesit Qendrës Universitare Mjekësore të Kolumbisë që kanë kryer një studim mbi 900 persona për 7 vjet.
Studimi u publikua në Revistën Klinike të Shoqatës Amerikane të Nefrologjisë. Edhe editoriali i gazetës iu dedikua sëmundjeve të veshkave që prekin 20 milionë amerikanë.
T’i përmbahesh dietës mesdhetare nënkupton të konsumosh më shpesh fruta, perime, peshk, drithëra dhe të ulësh nivelin e konsumit të mishit, ushqimeve të konservuara, salçiçeve, ushqimeve të përpunuara dhe ëmbëlsirave”, theksojnë kërkuesit.
“Nuk ka ushqime magjike, por duhet një disiplinë e madhe në përzgjedhjen e atyre që duhen vënë në tavolinë dhe se çfarë duhet të hahet jashtë shtëpisë, duke i konsumuar ëmbëlsirat vetëm në raste vërtetë të veçanta”./ Arlinda Gjypi
