Viktoria Naço, dietologe- nutricioniste
Në këto ditë të ftohta mirë do ishte të kujdeseshim pak më shumë për të përforcuar imunitetin tonë. Ndaj është mirë të përdorim ushqime që përmbajnë:
1) B-katoren
Përforcon imunitetin tonë duke shkatërruar qelizat e infektuara nga viroza të ndryshme. Ushqimet që përmbajnë b-karoten, përveç karrotës, jane edhe të gjitha perimet me gjethe jeshile, si: spinaq, sallata jeshile, brokoli etj…
2) Vitaminë C
Vitamina C përforcon imunitetin tonë duke ndihmuar në prodhimin e qelizave të bardha të gjakut dhe të antiviraleve
Burimet kryesore janë frutat, por edhe perimet e freskëta, përqindje më të lartë kanë agrumet, si: portokalli, limoni, mandarina, por edhe kivi, speci i kuq, majdanozi, brokoli, lulelakra etj..
3) Vitamine E
Edhe vitamina E kontribuon në prodhimin e qelizave të sistemit limfoid dhe imunitar. Burime të vitaminës E janë: vaji i ullirit, avokado, frutat e thata, si arra, bajamet, farat e lulediellit etj.
4) Zink (zn)
Ai ka një rol të veçantë në sistemin imunitar pasi ndihmon për të rigjeneruar plagët dhe indet e dëmtuara.
Ushqime të pasura me zink janë fasulet, arrat, vezët, mishi i pulës, por edhe ai i viçit, si edhe prodhime të detit si karkalecat, midhjet etj.
5) Uji natyral
Çdo qenie e gjallë pa praninë e oksigjenit dhe të ujit nuk do të jetonte. Çdo sistem i trupit tonë funksion më mirë në praninë e lëngjeve, pasi në praninë e tij nëpërmjet neuroritrasmetuesve fillon dhe kundërveprimi dhe formimi i qelizave limfoide dhe imunitare.
