Dietologia Blerina Bombaj
Nuk duhet të lini mënjanë:
Ujin: konsumi i mjaftueshëm i ujit gjatë ditës është shumë i nevojshëm për të lehtësuar proceset metabolike dhe djegien e kalorive. 1-2 gota ujë përpara çdo vakti mund t’ju ndihmojnë të konsumoni më pak ushqim. Gjatë gjithë ditës nevojiten 2L ujë.
Të ngrënin çdo 3 orë: të ngrënit 5 vakte gjatë ditës, çdo 3 orë, ndihmon të kontrollojmë sasitë e ushqimit në vaktet që konsumojmë. E ngrëna në të njëjtat orare është e dobishme gjithashtu.
Sallatat përpara vaktit: Konsumi i porcioneve të bollshme të zarzavateve përpara se të vazhdoni në pjatën kryesore ju ndihmon të ndjeheni të ngopur me më pak ushqim. Gjithashtu, prania e fibrave në stomak mund t’ju “vjedhë” ca kalori dhe të mos i lejojë të disponohen për energji!
Muhabetin: Sa më shumë të flisni, aq më ngadalë do të hani, aq më shpejt do të ngopeni!
Agjërimin: ndonjë ditë mund ta bëni pushim nga ushqimi duke konsumuar jo më shumë se 500kcal, për t’i dhënë mundësinë organizmit të përdorë kaloritë e marra me tepricë gjatë ditëve festive. Teoria e të ndenjurit tek-tuk pa ngrënë po merr komente pozitive në komunitetin shkencor pasi duket se lidhet me përmirësim të bioparametrave që lidhen me parandalim të plakies!
Lëvizjen: duke qenë të prirur të “ngarkoheni” (me kalori) duhet të merrni masat edhe të “shkarkoheni” (me lëvizje). Të ecurit 60min çdo ditë do t’ju japë mundësinë të digjni të paktën ½ e copës së bakllavasë!
Masën: zgjidhni të jeni të përmbajtur në sasitë që konsumoni ushqimet, sidomos ëmbëlsirat
