Në kuadër të Ditës Botërore të Diabetit (14 nëntor), gazeta “Shëndet+”, shoqata “Together for Life” në bashkëpunim me Poliklinikën e Specialiteteve nr.3 në Tiranë, organizojnë ditën e shtunë paradite FALAS (10:00 – 12:00) matje të nivelit të sheqerit në gjak, si dhe matje të tensionit të gjakut.
Duke qenë se diabeti është duke prekur jo vetëm moshat e mëdha, por edhe moshat e reja dhe duke u kthyer në një problem të madh, gazeta “Shëndet+” dhe shoqata “Together for Life” kanë vendosur që në këtë ditë të sensibilizojnë qytetarët për t’u kujdesur më shumë për veten.
Një stendë e ngritur pranë Poliklinikës Qendrore në Tiranë (pranë 9-katësheve) do të ofrojë matjen e nivelit të sheqerit në gjak, si dhe matje të tensionit të gjakut FALAS për të gjithë ata që dëshirojnë të dinë më shumë për shëndetin e tyre.
Gjithashtu, nga shoqata “Together for Life” dhe gazeta “Shëndet+” do të shpërndahen informacion falas për diabetin, hipertensionin, si dhe gazeta falas.
