Dorëhiqet drejtori i spitalit të Shkodrës, Çobaj: U dhunua!

Përmes një deklarate për mediat kryetari i PD-së në Shkodër, Ramiz Çobaj, denoncoi njerëz të deputetit të LSI-së, Agron Cela dhe të kandidates Keti Bazhdari, të cilët, sipas tij, kanë dhunuar drejtorin e spitalit dhe e kanë detyruar të dorëhiqet nga detyra.

Drejtori i spitalit Shpëtim Ymeri, i pyetur nga mediat, tha  se do të pushojë një javë dhe do të rikthehet në spital, por thjesht si kirug.

Sipas PD-së, konflikti ka ndodhur për shkak se deputeti dhe kandidatja Bazhdari janë refuzuar nga Ymeri për tentativën e privatizimit të spitalit dhe largimin nga puna të 20 punonjësve.