Drejtoresha e Spitalit Rajonal Fier, Brunilda Çami përmes një shkrese ka firmos një vend pune për veten e saj gjatë kohësh që mbante detyrën si titullare e institucionit. Shkresa që ka siguruar Opinion.al daton më 8 Mars 2017 dhe i drejtohet vartësve të saj, zv. drejtorit administrativ të spitalit, burimeve njerëzore dhe kryeinfermieres. Në shkresë shkruhet: znj. Brunilda Abas Çami të emërohet mjeke e përgjithshme në punktin e kujdesit paliativ pranë Spitalit Rajonal Fier. Periudha e punësimit deri më 10 qershor 2017, konsiderohet provë. Po kështu drejtoresha i ka përcaktuar edhe pagën e dytë vetes që shkon diku tek 530 mijë lekë ( të vjetra) në muaj. Në fund shkresa firmoset e vuloset nga vetë znj. Çami.
Burime pranë Ministrisë së Shëndetësisë bëjnë me dije për gazetën ‘Shëndet+’ se drejtoresha e këtij spitali është pezulluar nga detyra më 13 qershor për shkak të disa abuzimeve të konstatuara, një ndër to edhe kjo e dypunësimit.
‘Përpara një jave kemi ngritur një grup pune, ku kemi konstatuar një sërë abuzimesh nga ana e znj. Çami, mes tyre edhe dokumenti i publikuar në Opinion.al. Ne kemi marrë masa duke e liruar nga detyra drejtoreshën e spitalit rajonal Fier”, njofton Ministria e Shëndetësisë/ Shendeti.com.al
