Elona Tereziu / Shendeti.com.al
Kjo është situata e fillim javës në Poliklinikën Qendrore. Duket sikur të gjithë takimet janë ‘rezervuar’ për të hënën, por në fakt nuk është kështu. Në Poliklinikën Qendrore duhet të shkosh i pari që të zësh radhë, ndryshe në pritjen shumë orësh duhet të lutesh që të arrish të kryesh punë.
Janë mbi 20 pacientë që presin në radhë tek Reumatologjia dhe ora shënon 11: 30. A do të arrijnë të kryejnë punë të gjithë sot?! Në fakt në këtë Poliklinikë punohet me tre mjek reumatolog, por pacientët ia besojnë shëndetin “më të mirit” sipas tyre.
Pranvera. H tregon se ka ardhur që në orën 9 dhe do të vazhdojë të presë gjersa t’i vijë radha, pasi ka mjekun e saj të preferuar. “Tek reumatologjia kështu është gjithmonë. Vijnë të gjithë këtu (i referohet mjekut), sepse ky është më i miri. E kam mjekun tim të preferuar dhe më mirë rri e pres”. / https://shendeti.com.al/
