E-mailet janë një burim i madh stresi që i bën dëm shëndetit. Për t’u mbrojtur është e rëndësishme të kufizohet leximi i tyre në pak herë në ditë. Këshilla vjen nga një studim i publikuar në revistën “Kompjuterët në Sjelljen Njerëzore” nga ekspertët e Universitetit të Kolumbisë Britanike në Kanada.
“Kufizimi i leximit të përditshëm i postës elektronike ul tensionin gjatë një aktiviteti të rëndësishëm e të veçantë, – shpjegon autorja Elizabet Dun, – dhe ul në mënyrë të ndjeshme, ditë pas dite, e nivelit të stresit”.
Në gjendje stresi trupi lëshon kortizol, hormon i lidhur me një sërë pasojash negative për shëndetin, nga ulja e mbrojtjes imunitare në rritjen e rrezikut për sëmundje kardiovaskulare.
Ekpsertët testuan 124 punëtorë për dy javë. Javën e parë ata i kërkuan gjysmës së punëtorëve të kontrollonin postën elektronike vetëm tre herë në ditë, ndërsa pjesën tjetër e lanë ta kontrollonte sa herë të donte. Në javën e dytë, u bë e anasjellta.
Ishte e habitshme të shihej se, pavarësisht se kufizimi i kontrollit të postës elektronike është një stres më vete dhe pak i vështirë për t’u respektuar, pasi tashmë të gjithë jemi skllevër të saj, personat që lexonin e-mailin vetëm tre herë në ditë ishin më pak të stresuar se të tjerët.
Idealja në fakt do të ishte që posta elektronike të kontrollohej në periudha të gjata kohe dhe jo email pas emaili.
