Përshtati në shqip për gazetën “Shëndet+”: Blertina Koka
Një foshnje ka lindur në Portugali nga një grua, truri i së cilës ka qenë në koma prej katër muajsh. Djali lindi në një spital në Lisbonë me prerje cezariane dhe peshonte 2.35 kg.
Nëna e tij hyri në koma më 20 shkurt pas një hemorragjie në tru. Vendimi për të vazhduar shtatzëninë u mor pasi testet treguan se fetusi ishte i shëndetshëm, dhe i ati ra dakord që fëmija të lindte.
Mjekët thonë se djali ishte në gjendje shumë të mirë shëndetësore kur lindi. Ai është rasti i parë në Portugali që ka mbijetuar kaq gjatë në mitër, pasi nëna e tij u deklarua e “vdekur” klinikisht.
Në janar të këtij viti u lind një djalë në Poloni pasi mbijetoi për 55 ditë në mitrën e nënës së tij, e cila ishte deklaruar e “vdekur” klinikisht për shkak të një tumori. Ai peshonte vetëm 1 kg kur lindi, ndërsa tani është në gjendje të mirë shëndetësore.
Burimi: BBC / https://shendeti.com.al/
