Çfarë është sindroma vizive nga kompjuteri
Përkufizimi i kësaj sindrome përfshin një grup problemesh vizive dhe të syrit, të cilat ndodhin në përdoruesit e kompjuterit. Shumë individë përjetojnë diskomfort të syve dhe problem me shikimin përpara ekranit të kompjuterit për një periudhë të gjatë. Sipas studimeve të ndryshme, një përqindje tepër e lartë midis përdoruesve të kompjuterave shfaqin grada të ndryshme të kësaj sindrome. Niveli i diskomfortit duket të rritet me kohën e përdorimit të kompjuterit.
Simptomat më të zakonshme që lidhen me përdorimin e kompjuterit janë:
- Lodhje e syve
- Dhimbje koke
- Shikim i turbullt
- Sy të thatë ( djegie, ndjenjë e trupit të huaj në sy, etj)
- Dhimbje e qafës dhe e shpatullave
Këto simptoma mund të shkaktohen nga:
- Ndriçimi i dobët
- Shkëlqimi i ekranit të kompjuterit
- Distancë jo e përshtatshme e shikimit
- Qëndrimi jo korrekt në karrige
- Mospërdorimi i syzeve
- Kombinimi i faktorëve të mësipërm
