Një bakter i lidhur me verbërinë ka rezultuar të jetë rezistent ndaj pastruesve të lenteve. Agjencia “Daily Mail” raporton se më shumë se 6000 njerëz në Britaninë e Madhe vuajnë nga një infeksion bakteral që shkakton acarim të kornesë (cipës së syrit) dhe që mund të çojë në humbje shkimi. Personat që rezultojnë më të rrezikuar nga një gjë e tillë janë pikërisht ata që përdorin lente.
Kërkuesit në Universitetin e Liverpulit kanë zbuluar se ky bakter i cili shoqërohet me infeksione të rënda, mbijetojnë gjatë tek solucionet dezinfektuese të lenteve të kontaktit. Ata bënë prova dhe panë se shumica e baktereve të dëmshme ngordhnin brenda dhjetë minutash nga solucionet dezinfektuese të lenteve. Por njëri prej tyre, i cili shkakton forma të rënda të keratitit, ishte i aftë të mbijetonte për më shumë se katër orë. Shkencëtarët tashmë po kërkojnë nga prodhuesit e këtyre lëngjeve që të testojnë produktet e tyre për ta vrarë bakterin P.aeruginosa, i cili shkakton dëme të pakthyeshme në sy deri në verbim.
Ata gjithashtu këshillojnë njerëzit që të mos i mbajnë lentet më shumë se sa është e lejueshme, të mbajnë higjienë të mirë dhe të mos i mbajnë gjatë natës. Një ide e mirë, sipas tyre, do të ishte që blerja e lenteve të bëhej në dyqanet e specializuara dhe jo në internet.
Përgatiti: Arlinda Gjypi
