E realizoni shumë shpejt këtë proces, i cili sigurisht do kohë: është e kuptueshme që koha e kufizuar na detyron të gjithëve të nxitojmë, por duhet të dini se ekspertët këshillojnë të qëndroni 15 minuta në dush para depilimit të këmbëve me brisk. Kjo do t’i zbutë qimet duke bërë më të lehtë heqjen e tyre.
Është gjëja e parë që bëni në mëngjes: nëse këtë proces e realizoni në darkë, para se të flini, të nesërmen do të keni këmbë më të buta.
Përdorimi i briskut në lëkurë të thatë nuk këshillohet: aplikoni mbi këmbë hidratues dhe do e kryeni më lehtë këtë proces. Edhe nëse aplikoni zbutës flokësh, është një zgjidhje e mirë. Evitoni aplikimin e sapunit.
Përdorimi i briskut me një teh mund t’ju shkaktojë probleme: mund të përdorni brisk me 4-5 tehe, pasi do të keni këmbë të lëmuara, thotë dermatologu Neal Shultz.
Mos e përdorni për një kohë të gjatë një brisk: mund të keni blerë një brisk të mirë, por kjo nuk do të thotë që duhet ta përdorni për shumë kohë (5-10 herë). Nëse i përdorni më gjatë, mund t’ju shkaktojnë probleme me lëkurën (skuqje, infeksione).
Duhet ta përdorni briskun në drejtimin e kundërt: është mënyrë më e sigurt për t’i hequr të gjitha qimet.
Mos përdorni brisk për meshkuj: shumë femra mendojnë se është efektiv, por gabohen.
Parandaloni rritjen e qimeve brenda lëkurës duke u kujdesur që direkt pas depilimit të bëni dush dhe të aplikoni krem zbutës mbi lëkurë./Marie Claire/Përgatiti: Elena Beta
