Gratë që përjetojnë një numër më të madh simptomash gjatë menopauzës kanë më shumë gjasa të zhvillojnë probleme të kujtesës dhe çrregullime të sjelljes, sugjeron një studim.
Hulumtimet kanë treguar tashmë se gratë kanë një rrezik trefish më të madh të zhvillimit të Alzheimerit në krahasim me burrat.
Për të provuar se çfarë mund të kontribuojë në këtë, ekspertët analizuan të dhënat për 896 gra pas menopauzë, vlerësimet demografike, njohëse dhe të sjelljes.
Atyre iu kërkua të regjistronin simptomat e tyre të menopauzës, duke përfshirë periodat e parregullta, afshet, të dridhurat, thatësinë vaginale, shtimin në peshë, metabolizmin e ngadalësuar, djersitjet gjatë natës, problemet e gjumit, çrregullimet e humorit, pavëmendjen ose harresën, ose çdo gjë tjetër.
Funksioni kognitiv u mat duke përdorur një shkallë që vlerëson ndryshimet në kujtesë, gjuhë, aftësi vizuale-hapësinore dhe perceptuese, planifikim, organizim dhe funksion ekzekutiv.
Përveç kësaj, simptomat neuropsikiatrike u vlerësuan duke përdorur një listë kontrolli e cila fokusohet në ndryshimet emocionale dhe të sjelljes.
Analiza zbuloi se gratë që raportuan një numër më të madh simptomash shënuan më keq në testet njohëse dhe kishin më shumë gjasa të shfaqnin shenja të problemeve neuropsikiatrike ndërsa plaken.
Studiuesit thanë se humbja e hormonit të estrogjenit – i cili bie ndjeshëm gjatë menopauzës – mund të shpjegojë lidhjen.
