Zbulohet gripi i shpendëve në fermën e gjelave të detit në Britani: nuk përjashtohet infektimi i njerëzve

Përshtati në shqip për “shendeti.com.al”: D.Bardhi Rreth 5.000 gjela deti do të ngordhin nga gripi i shpendëve në një fermë në Lincolnshire. Virusi H5N8 ka arritur në 14 vende europiane, prandaj Qeveria britanike ka dhënë urdhër që këta shpendë të rrinë në ambiente të mbyllura në mënyrë që të parandalohen ndonjë shpërthim epidemik. Ndërsa rreziku për infektimin e njerëzve është i ulët, Organizata Botërore e Shëndetësisë (OBSH) këshilloi se virusi H5N8 nuk përjashton faktin se mund të infektojë edhe njerëzit. Sëmundja e këtyre shpendëve është raportuar në vende të tilla si Franca, Danimarka, Suedia, Gjermania dhe Finlanda. Në Hollandë 190.000 rosa janë therur në përpjekje për të paranaluar përhapjen e sëmundjes. Njerëzit mund të preken nga gripi i shpendëve direkt përmes kontaktit të drejtpërdrejtë me shpendët e infektuar. Personat që punojnë në pulari dhe ferma janë më të rrezikuar se të tjerët. Burimi: Daily Mail