Prokuroria e Tiranës, çon në gjykatë dosjen penale ndaj dy mjekëve të maternitetit “Kocco Gliozheni”. Me akuzën “mjekim i pakujdesshëm”, një gjinekolog dhe një anesteziste, të cilët asistuan në lindjen e gruas së portierit të kombëtares, do të dalin përpara gjykatës. Padia ndaj tyre u bë nga familja e të ndjerës, Dorjana Haka, një muaj pas vdekjes gjatë lindjes së foshnjes së saj, dhe që nga mjekët u cilësua si vdekje natyrale.
Vdekja e Dorjana Hakës, bashkëshortes së portierit të kombëtares Alban Hoxha , në dhjetor të vitit të shkuar gjatë lindjes së foshnjës, ka dy mjek përgjegjës që pritet të gjykohen me akuzën e “mjekimit të pakujdesshëm”.
Elona Hoxha, anesteziste dhe Petrit Burba, mjek obstetër – gjenekolog, janë marrë zyrtarisht të pandehur nga prokuroria e Tiranës, për akuzën e mjekimit të pakujdesshëm, që ka sjellë për pasojë vdekjen gjatë lindjes në maternitetin “Koço Gliozheni” të së ndjerës Dorjana Haka.
Një muaj pas ngjarjes së rëndë Prokuroria e Tiranës, nisi hetimet në lidhje me trajtimin mjekësor të pacientes pak minuta pas lindjes. Në fillim vdekja e saj u raportua si natyrale, për shkak të komplikacioneve shëndetësore. Familja e vajzës denoncoi në prokurori faktin se shkaku kishte lidhje me veprimet dhe neglizhencën e mjekëve gjatë lindjes.
Tashmë dosja për dy mjekët e maternitetit është dërguar në gjykatë në pritje të nisjes së procesit gjyqësor./ Ora News
