Ministrja e Shëndetësisë teksa ka vizituar së bashku me kryeministrin Rama ambientet e ish- kirurgjisë në QSUT që tashmë janë shndërruar në një spital COVID-3, ka thënë se ky spital do t’i shërbejë pacientëve që përfundojnë trajtimin e parë në Infektiv
“Është një spital me 100 shtretër. Ka reanimacionin dhe imazheritë. Pritet skaneri dhe një mini-laborator dhe disa pajisje të tjera. Do t’i përgjigjet rastit të pacientëve që përfundojnë trajtimin e parë në Infektiv. Dhe për të përmbushur karantinën deri në shërimin e tyre. Është një përgjigje ndaj asaj që parashikojmë që mund të dalë nga sezoni turistik për rastet e shtuara që mund të kenë nevojë për spitalizim. E çojmë në rreth 500 shtretër për epideminë në vend. Ky është covid-4. Pa prekur ato private që i kemi pasur në dispozicion. Do rrisim stokun e materialeve mbrojtës dhe flotën e urgjencave.” tha Manastirliu.
