Ekspertiza mjeko-ligjore ka treguar se shkaku i vdekjes së 27-vjeçarit Enea Ftoi ka qenë ndalimi i menjëhershëm i punës së zemrës, me mekanizmin e ishemisë akute të miokardit, sëmundje kronike të mushkërive dhe prezencë të produkteve narkotike.
Nga hetimi i Avokatit të Popullit rezulton që, edhe pse ligji parashikon që kontrolli mjekësor i të arrestuarve/ndaluarve kryhet nga mjeku apo ndihmësmjeku i Komisariatit, në Komisariatin e Korçës këtë detyrë e kryente një infermier, që, sipas vlerësimit të Avokatit të Popullit, nuk ka aftësinë profesionale të konstatimit apo trajtimit të problemeve shëndetësore të të ndaluarve.
Avokati i Popullit, referuar rastit të Enea Ftoit, i ka rekomanduar Drejtorisë së Policisë plotësimin e organikës së drejtorisë me mjek me kohë të plotë pune./ Shendeti.com.al
