Përshtati në shqip për gazetën “Shëndet+”: D.Bardhi
Proteinat janë thelbësore për riparimin e indeve, për ruajtjen e nivelit të hormoneve dhe për krijimin e enzimave. Të gjitha organet, gjaku, eshtrat, lëkura dhe muskujt kanë nevojë për proteina për të funksionuar siç duhet. Ekspertët rekomandojnë marrjen e 46-56 gram proteina në baza ditore, në varësi të peshës trupore.
Ja çfarë ndodh nëse ju nuk merrni proteina në mënyrë të mjaftueshme në baza ditore:
Pamundësi përqëndrimi: mungesa e proteinave në baza ditore ndikon drejtpërdrejt në sistemin nervor, prandaj do e keni shumë të vështirë të përqëndroheni.
Sëmureni vazhdimisht: nëse nuk merrni mjaftueshëm proteina, organet e kanë më të vështirë të eleminojnë bakteret apo viruset e padëshiruara. Si rezultat i kësaj ju sëmureni më shpesh.
Pamundësi për të fjetur: nëse ju nuk merrni proteina mjaftueshëm, atëherë do të konsumoni shumë karbohidrate dhe sheqerna. Shtesa e këtyre produkteve lidhen në mënyrë të drejtpërdrejtë me pagjumësinë.
Sdo të keni energji: proteinat janë shumë të nevojshme për stabilizimin e sheqerit në gjak. Organet e ngadalësojnë funksionin e tyre kur nuk merrni mjaftueshëm proteina gjithashtu.
Ju dhembin muskujt dhe nyjet: pjesa më e madhe e proteinave që konsumohet shërben për të ruajtur lëngun synovial që ndodhet rreth nyjeve. Mungesa e proteinave mundëson uljen e këtij lëngu dhe për pasojë shkaktohen dhimbje të nyjeve dhe muskujve.
Burimi: Organic Life
