Shpeshherë problemet shëndetësore pasqyrohen tek cikli juaj menstrual, prandaj nëse i kushtoni pak vëmendje simptomave që i sjell trupit, mund të kuptoni më shumë mbi shëndetin.
Nëse keni gjakderdhje të papritur gjatë ciklit menstrual: ky është një efekt anësor normal nëse jeni duke marrë pilula kontraceptive, përndryshe duhet të konsultoheni me mjekun tuaj. Gjakderdhjet ndonjëherë mund të jetë një shenjë e problemeve të qafës së mitrës, të cilat ndodhin për shkak të estrogjenit të tepërt në trup. Megjithatë, gjakderdhjet e papritura mund të tregojnë mbi ekzistencën e fibroideve ose infeksioneve të tjera të ngjashme. Të tilla gjakderdhje nga vagina mund të jenë edhe tregues i kancerit.
Nëse vuani nga dhimbje të rënda dhe të padurueshme të cilat zgjasin për disa ditë: atëherë duhet të konsultoheni me mjekun. Sipas dr. Daniela Carusi, drejtoreshë në Spitalin e Grave në Boston, gratë e reja shpesh mendojnë se mund t’i durojnë dhimbjet intensive, por kjo nuk është aspak e vërtetë, pasi këto dhimbje mund të jenë e dëmshme për shëndetin.
Nëse cikli menstrual ju vonohet: nëse kjo nuk ndodh për shkak të një shtatzënie të mundshme, atëherë keni probleme shëndetësore. Sipas doktoreshë Carusit, nëse nuk keni perioda të rregullta, është koha të ndryshoni stilin e jetës. Gratë që kanë perioda të çrregullta dhe janë mbipeshë, duhet të kontrollohen tek mjeku nëse vuajnë nga diabeti i tipit 2. Nëse ky është rasti, kontaktoni mjekun menjëherë.
Përgatiti për “Shëndet+”: Elena Beta/ Burimi: zonnews.com
