Përgatiti për “Shendet+”: Elena Beta
Me kalimin e moshës ulët edhe aftësia e qelizave të fytyrës për t’u rigjeneruar e për të mbrojtur fytyrën nga plakja.
Vajrat esenciale mund t’ju vijnë në ndihmë duke e mbajtur lëkurën tuaj të hidratuar e njëkohësisht ju mbrojnë edhe nga mungesa e elasticitetit. Ja cilat janë disa nga alternativat e shkëlqyera që zëvendësojnë në mënyrë të përkryer produktet kozmetike.
Vaj avokado: ka gjetur përdorim të gjerë edhe në kozmetikë, ku përdoret për rigjenerim dhe hidratim të lëkurës. Ky vaj është i pasur me vitamina dhe acide yndyrore esenciale. Ai është gjithashtu i pasur me vitaminë E cila ngadalëson procesin e plakjes. Vaji avokado siguron lagështi të thellë për lëkurën e thatë, dhe ndihmon në fleksibilitetin e lëkurës duke ngadalësuar shfaqjen e rrudhave.
Vaj bajame: është një hidratues i mirë dhe është përdorur tradicionalisht nga terapistët për të lyer lëkurën gjatë seancave të masazhit. Këshillohet të përdoret pas dushit.
Vaj karrote: nxit rritjen e qelizave të reja, gjë që e bën këtë vaj tepër efektiv për një lëkurë të shndritshme dhe tw shwndetshme.
Vaj kajsi: ky vaj i jep përfitime të mëdha lëkurës. Ai është i pasur me omega-6 dhe vitamina A të cilat shërbejnë për hidratimin dhe zbutjen e lëkurës duke zëvendësuar produktet kozmetike. Nëse keni lëkurë të thatë dhe të irrituar ky është vaji që ju duhet.
