Kolesteroli është një substancë yndyrore, që prodhohet kryesisht nga mëlçia, megjithëse një pjesë e tij vjen nga dieta dhe stili i jetesës. Është një komponent thelbësor i membranave qelizore dhe përdoret nga trupi për të prodhuar hormone dhe vitaminë D.
Ekzistojnë dy lloje kryesore të kolesterolit që qarkullojnë në gjak.
- Lipoproteina me densitet të lartë (HDL) njihet si kolesteroli “i mirë” sepse largohet nga arteriet në mëlçi dhe nxirret nga trupi.
- Lipoproteina me densitet të ulët (LDL) është forma “e keqe” që mund të depozitohet në muret e arterieve dhe të rrisë rrezikun e sëmundjeve kardiovaskulare.
Nuk ka një qasje të vetme për të mbajtur nivele të shëndetshme të kolesterolit, por këtu janë disa mënyra që duhen marrë parasysh:
- Eleminoni karbohidratet e rafinuara
Biskotat, keku, biskotat, buka, patate të skuqura dhe soda mund të ulin HDL-në tuaj dhe të rrisin nivelet e triglicerideve (yndyra në gjak). Konsumoni më shumë fruta dhe perime, ushqime të plota të sojës, peshk yndyror, fasule dhe bishtajore, hudhër të freskët dhe çaj jeshil, të cilat të gjitha janë të lidhura me nivelet e dobishme të kolesterolit.
- Aktiviteti fizik
Ushtrimet e përditshme aerobike mund të ndihmojnë në rritjen e niveleve të HDL.
- Relaksohuni
Stresi emocional mund ta shtyjë trupin të lëshojë yndyrë në qarkullimin e gjakut, duke rritur nivelet e kolesterolit. Reduktimi i stresit mund të arrihet duke praktikuar teknika qetësuese si frymëmarrja e thellë, joga, masazhi dhe meditimi çdo ditë.
- Mos pini duhan
Pirja e duhanit është një faktor rreziku për sëmundjet e zemrës dhe gjithashtu mund të ulë ndjeshëm kolesterolin HDL.
Përshtati në shqip: Egida Delibashi/ Burimi: Prevention
