Sistemi imunitar është shumë i rëndësishëm. Nëse është në nivelin e duhur, ai ruan trupin kundër sulmeve nga bakteret, viruset dhe e mbron atë kundër infeksioneve dhe llojeve të ndryshme të kancerit. Po ashtu, si çdo sistem tjetër i trupit, sistemi imunitar mund të përkeqësohet nëse nuk e trajtoni mirë. Në mënyrë që të qëndroni të shëndetshëm dhe të rrisni sistemin imunitar ju duhet të ndiqni këto hapa:
body defense
Ushqehuni në mënyrë të drejtë dhe të shëndetshme: shmangni mbingrënien sepse çon në shtim në peshë dhe dëmton sistemin imunitar. Hulumtimet e kryera nga shkencëtarët në Universitetin e Karoslinës së Veriut kanë treguar se obeziteti pengon funksionimin normal të sistemit imunitar, duke rritur kështu vulnerabilitetin ndaj infeksioneve. Në një studim të bërë me minj të trashë u gjet se rreth 50% e tyre ishin më pak të aftë në luftimin e virusit të gripit.
Ja ushqimet më të rëndësishme që forcojnë sistemin imunitar:
- Ushqimet e pasura me vitaminë C, si: frutat, agrumet dhe brokoli
- Ushqimet e pasura me vitaminë E, si: arrat dhe drithërat
- Hudhra
- Ushqimet e pasura me zink, si: fasulet, gjeli i detit, mishi i viçit, midhjet etj
- Ushqimet e pasura me selen, si: pula, drithërta, toni, veza, farat e lulediellit dhe orizi
- Ushqimet me karoten, si: karrota
- Acidet yndyrore omega-3 që gjenden tek arra, salmoni, toni, skumbri, farat e linit etj.
Sigurisht që mund t’i merrni këto vitamina e minerale përmes pilulave, por duhet të dini se ushqimi është gjithmonë burimi më i mirë i vitaminave dhe mineraleve.
Gjumi i rehatshëm, aktiviteti fizik në mënyrë të rregullt, menaxhimi i stresit, ndërprerja e duhanit dhe konsumimi i alkoolit në mënyrë të moderuar janë disa elemente të tjera që ndihmojnë në forcimin e sistemit imunitar dhe luftimin e viruseve e baktereve.
Përshtati në shqip për “Shëndet+”: Daniela Bardhi/ Burimi: sparkpeople
