Janë të shumtë mjekët që kanë zgjedhur që pas një karriere të gjatë në mjekësi t’i përkushtohen politikës. Madje ka dhe raste si Halim Kosova që u bë ministër ende pa u bërë deputet. Më poshte keni disa prej mjekëve që do të jenë në parlamentin e ardhshëm. Ka mjekë që e kanë për herë të parë ose jo, por edhe mjekë që kanë shumë vite në politikë, si Vangjel Tavo i cili e ka mandatin e gjashtë rradhazi.
Halim Kosova
Ish mjeku obstetër-gjinekolog, tashmë ministër i Shëndetësisë, ka fituar mandatin e parë si deputet me Partnë Demokratike. Pas shumë vitesh punë në maternitetin “Mbretëresha Geraldinë” Kosova u bë ministër i Shëndetësisë, post të cilin do ta mbajë deri në shtator, kohë kur krijohet edhe qeveria e re. Megjithëse ka pasur një karrierë të gjatë dhe të pasur si mjek, Kosova duket se ka hequr dorë përfundimisht nga profesioni duke ju kushtuar totalisht politikës.
Klodiana Spahiu
Klodiana Spahiu, e lindur në Durrës më 22 maj 1973, është zgjedhur deputete për her t parë për Qarkun e Durrësit në zgjedhjet e përgjithshme të vitit 2009. Kjo është hera e dytë që Spahiu merr mandatin e deputetes. Klodiana Spahiu është diplomuar në mjekësi në Universitetin e Tiranës dhe për kardiologji në Qendrën Universitare Nënë Tereza. Ajo ka punuar si pedagoge në Universitetin e Tiranës, si kardiologe në Spitalin e Durrësit dhe ka kryer disa specializime në këtë drejtim. Klodiana Spahiu është docente pranë Universitetit Zonja e Këshillit të Mirë, Tiranë. Klodiana Spahiu është anëtare e Komisionit të Punës, Çështjeve Sociale dhe Shëndetësisë në Kuvendin e Shqipërisë.
Ylli Zeçishti
Ish shefi i urgjencës kirurgjikale ka marrë mandatin e deputetit në zgjedhjet e 23 qershorit në Qarkun e Korçës. Zeçishti pas një karriere të gjatë si mjek kirurg ka vendosur tashmë të bëhet pjesë e politikës. Edhe pse është pjesë e Partisë Socialiste, Zeçishti nuk ka ngurruar të ngrejë zërin kundër kryetarit Edi Rama përsa i përket reformave në shëndetësi. Mesa duket Zeçishti do të jetë një zë i fortë i sistemit shëndetësor në parlamentin e ardhshëm.
Vangjel Tavo
Prej shumë vitesh ai është një prej politikanëve më në zë të vendit tonë. E kemi parë në sipërmarrje të rëndësishme, ndërsa ka mundur të sigurojë jo pak, por pesë mandate të njëpasnjëshme në Kuvendin e Shqipërisë. Vangjel Tavo, ish ministri i Shëndetësisë ka arritur të sigurojë një tjetër mandat deputeti, në Qarkun e Gjirokastrës. Megjithëse ka vite që e ka braktisur profesionin e mjektu, nuk mund të lihej jashtë listës së mjekëve, tashmë deputetë.
Petrit Vasili
Ish ministër i Shëndetësisë në vitin 2009 dhe zv.ministër nga viti 2001-2003. Petrit Vasili do të jetë pjesë e parlamentit të ardhshëm nën siglën “LSI”. Ka mbaruar fakultetin e mjekësisë dhe ka kryer disa specializime në fundin e viteve ’80.
Flamur Noka
Ministri i Brendshëm në fuqi, dhe deputet prej 2009, Noka ka studiuar për onkologji. Noka ësht shpallur deputet në zgjedhjet e fundit duke marrë mandatin edhe për katër vitet e ardhshme.
