Kaloni orë të gjata mbi pistën e vrapit dhe përsëri nuk arrini të humbisni kilet që dëshironi?
Jeni duke vërtetuar atë që shpeshherë thonë shkencëtarët: Stërvitja jo rrallë nuk ndihmon në uljen e peshës, madje mund të ndikojë në shtimin e peshës. Pse?
Aktiviteti fizik në të vërtetë ndihmon në mbrojtjen nga sëmundjet e ndryshme, por jo për të rrëzuar kilet e tepërta. Studimet më të fundit madje tregojnë se ka një numër të konsiderueshëm të personave që megjithëse merren me aktivitet fizik, shtojnë në peshë.
Një faktor që ndikon në shtimin e peshës ka të bëjë me “kompensimin”, ku personat të cilët stërviten shumë, i lejojnë vetes të konsumojnë ndonjë ëmbëlsirë apo ushqime të preferuara me shumë kalori.
Sipas një studimi të kohëve të fundit të zhvilluar nga Universiteti i Arizonësk u testuan efektet e ushtrimeve fizike tek 81 gra. Ato morën pjesë në një program stërvitje 12 javor, i cili përfshinte 3 sesione në javë.
Nga hulumtimi doli se këto gra nuk kishin ndonjë humbje të dukshme në peshë, madje 70% e tyre kishin shtuar kile. Ato filluan të hanin më shumë gjatë periudhës së stërvitjes dhe të lëviznin më pak (kur nuk ishin duke vrapuar në pistë)./Daily Mail/Përgatiti: Elena Beta
