Gazetare: Klevisa GJIKA
13 rastet shqiptare të konfirmuara pozitive me koronavirus në Itali bënë bujë të madhe mediatike. Nisur nga kjo, por edhe situata aktuale në nivel global, ambasada e Shqipërisë në Itali ka publikuar udhëzimet se si duhet të udhëtohet nga vendi ynë drejt Italisë.
Së pari, duhet firmosur vetëdeklarimi, që vërteton faktin se nuk ka qenë i infektuar me COVID – 19 apo se nuk ka qenë në karantinim për 14 ditë.
Së dyti, qytetarët duhet të nënshkruajnë deklarimin se nuk kanë temperaturë trupore 37.5 gradë C, edhe pse matja do bëhet sërish në pikën kufitare.
Së treti, qytetarët nuk duhet të shfaqin shenja lodhjeje, humbje të shijes, dhimbje trupore, kollë, frymëmarrje të rënduar, diarre, dhimbje fyti, ethe të përgjithshme.
Së katërti, 48 orë para shfaqjes së simptomave nuk duhet të ketë pasur kontakte me persona të infektuar.
Së pesti, në 14 ditët e fundit, çdo person që do të udhëtojë drejt Italisë nuk duhet të ketë pasur kontakt me individë që kanë rezultuar pozitivë me COVID – 19.
Pas respektimit të këtyre masave dhe mbërritjes në Itali, çdo person duhet të qëndrojë në karantinë për 2 javë të plota, nën kujdesin e vazhdueshëm mjekësor.
