Përshtati në shqip për “shendeti.com.al”: D.Bardhi
Virozat e dimrit janë gjithnjë të pranishme në këto ditë të ftohta. Nëse do të pyesnit një punonjës të kujdesit shëndetësor se cili është çelësi për të mos u sëmurur nga gripi apo e ftohura, përgjigja me siguri do të ishte “bëni vaksinën kundra gripit”. Në fakt kjo gjë nuk është e gabuar, por gazeta Shëndeti në këto postim do t’ju tregojë disa sekrete të vogla se si ta kaloni dimrin pa u sëmurur nga virozat:
Merrni ajër të pastër: mundohuni të qëndroni sa më larg ambjenteve të mbyllura të tilla si kafene, mjete të transportit publik etj. Qëndrimi në kontakt të ngushtë dhe të vazhdueshëm me njerëzit ju bën më të predispozuar për t’u prekur nga viruset apo mikrobet. Ajri i pastër ju lehtëson frymëmarrjen dhe parandalon marrjen e mikrobeve nga njerëzit e prekur nga virusi.
Forconi sistemin imunitar: një sistem i fortë imunitar do të luftojë më shpejt bakteret dhe mikrobet dhe do të parandalojë sëmundjet. Merrni vitaminë C nga agrumet si portokalli, limoni, qitro, mandarinat ose me tableta.
Duart e pastra janë gjithçka: e ftohura dhe gripi mund të merren dhe me anë të prekjes. Mbajini gishtërinjtë larg syve, gojës dhe hundës. Sipas Qëndrës për Kontrollin dhe Parandalimin e Sëmundjeve, larja e shpeshtë e duarve me sapun parandalon sëmundjet.
Flini mjaftueshëm dhe qëndroni ngrohtë: gjumi i qetë dhe i rehatshëm është çelës për parandalimin e çdo sëmundje. Përveç kësaj, qëndroni ngrohtë, vishni rroba të përshtatshme për dimër dhe përdorni aksesorë të tillë si kapuc, dorashka, shall dhe këpucë me push.
Burimi: HEALTH
