Kryefaqja Box 4 Shenjat që shfaq kanceri dhe njerëzit i injorojnë

Shenjat që shfaq kanceri dhe njerëzit i injorojnë

0
Shpërndaje

Testi rutinë nuk është e vetmja mënyrë që duhet të ndiqet për të parë nëse keni ndonjë problem shëndetësor. Ju duhet të keni kujdes edhe për sinjalet që jep trupi në mënyrë të rastësishme dhe të pashpjegueshme. Ja disa nga shenjat e kancerit që s’duhet t’i injoroni:

Kollë kronike dhe dhimbje gjoksi: këto simptoma lidhen me disa lloje kanceri si leukemi dhe tumor të mushkërive. Këto simptoma shpesh shkaktojnë imitime kollitjesh të rënda ose bronkit. Pacientët që janë të prekur nga kanceri i mushkërive kanë dhimbje gjoksi që përhapet në shpatull e deri poshtë krahut.

shenja kanceriEthet e shpeshta dhe infeksionet: këto janë shenja të zakonshme të leukemisë ose kancerit të qelizave të gjakut që fillon në palcën e eshtrave. Në këtë gjendje palca prodhon qeliza të bardha jonormale të gjakut dhe ndikon në paaftësinë e trupit për të luftuar infeksionet.

Vështirësitë në gëlltitje: kjo shënjë është e lidhur me kancerin e fytit, por në disa raste kjo është shenja e parë e kancerit të mushkërive.

Nyje limfatike të fryra apo gunga në qafë, poshtë krahut: nyjet e zgjeruara mund të tregojnë ndryshime në sistemin limfatik. Kjo është një shenjë që shpesh lidhet me disa lloje të kancerit.

Gjakderdhje e vazhdueshme: këto janë tregues që tregojnë diçka të parregullt që ndodh me trombocitet dhe qelizat e kuqe të gjakut. Në disa raste kjo është shenjë e leukemisë. Me kalimin e kohës, qelizat leukemike mbushin qelizat e kuqe të gjakut dhe trombocitet të cilat dëmtojnë aftësinë e trupit të njeriut për të kryer oksigjenimin dhe mpiksjen e gjakut.

Dobësi dhe lodhje: lodhja e përgjithshme dhe dobësia, shpesh janë tregues të disa lloje kanceri që shoqërohen edhe me simptoma të tjera. Kur ndiheni të lodhur pa asnjë shkak ju duhet të konsultoheni me mjekun.

Fryrje dhe shtim dhjami në bark: gratë që preken nga kanceri ovarian thonë se ndjenin fryrje të pashpjegueshme të barkut.

Ndiheni të plotë dhe të paaftë për të ngrënë: ky mund të jetë një tregues tjetër i kancerit ovarial. Në këto raste femrat nuk kanë oreks edhe pse mund të mos kenë ngrënë për një kohë të gjatë.

Dhimbje të legenit dhe të barkut: këto dy simptoma janë një sinjal i zakonshëm i kancerit ovarian. Leukemia mund të shkaktojë dhimbje barku gjithashtu, që ndodh si rezultat i shpëretkës së zgjeruar.

Jashtëqitje me gjak: shpesh kjo simptomë është e lidhur me kancerin e zorrës së trashë.

Humbje peshe në mënyrë të pashpjegueshme: ky është një sinjal i hershëm i kancerit të zorrës së trashë dhe llojeve të tjera të kancerit që janë të lidhura me tretjen e ushqimit.

Gjinj të fryrë dhe të kuq: nëse vëreni gjendra të vogla në formë gunge në gjinj ose nëse keni dhimbje të tij duhet të konsultoheni me mjekun sepse janë shenja që tregojnë se mund të jeni prekur nga kanceri i gjirit.

Enjtje e tipareve të fytyrës: pacientët e diagnostikuar me kancer të mushkërive kanë pasur enjtje të tipareve të fytyrës, qeska poshtë syve dhe skuqje.

Lëkurë e lënduar që nuk shërohet lehtë: të nxirat e lëkurës, gungat, koret dhe çdo shenjë tjetër në lëkurë që nuk shërohet shpejt mund të jetë e lidhur me melanomës, kancerin e lëkurës.

Përshtati në shqip për “Shëndet+”: Daniela Bardhi/ Burimi: dailyhealth

LËR NJË MESAZH

Please enter your comment!
Please enter your name here