Përshtati në shqip për gazetën “Shëndet+”: Daniela Bardhi
Çokokremi është një nga produktet më të dashura për fëmijët. Një fetë bukë e lyer me çokokrem është rutina e përditshme e thuajse çdo fëmije, pse jo edhe të rrituri. Duke qënë se çokokremët që blihen në supermarket kanë shumë sheqer, yndyrna e kalori ne do t’ju paraqesim një mënyrë të thjeshtë për ta përgatitur atë në shtëpi.
Përbërësit: 1 litër qumësht, 200 gr gjalp kikiriku (ose i zakonshëm), 6 lugë çaji miell, 6 lugë çaji kakao, 200 gr sheqer pluhur, 1 vezë, 200 gram lajthi.
Përgatitja: futini lajthitë në blender dhe bluajni ato, derisa të bëhen në formë mielli. Në një tas përzieni kakaon, miellin dhe sheqerin pluhur, shtojini gjysmë litër qumësht dhe vezën dhe përziejni mirë me anë të një blenderi. Gjysmë litrin tjetër të qumështit hidheni në një tenxhere dhe kur të valojë shtojini përzierjen me kakao, miell e sheqer. Përziejni herë pas here përbërësit në mënyrë që mos të formohen kokrriza. Lëreni masën në zjarr të ulët derisa të trashet duke i shtuar ngadalë lajthitë e bluara. Pasi ta hiqni nga zjarri shtojini gjalpin. Hidheni cokokremin në një kavanoz qelqi dhe mund të qëndrojë në frigorifer për 1 muaj pa u prishur. / www.shendeti.com.al / burimi: healthyfoodteam /
