Aktualisht, sipas shifrave të Ministrisë së Shëndetësisë dhe Mbrojtjes Sociale, ku vetëm gjatë 24 orëshit të fundit u raportuan, 998 raste të reja, 3 humbje jete dhe 149 të shtruar në spitale, situata nuk duket aspak e mirë.
Ministria e Shëndetësisë dhe Mbrojtjes Sociale, duke u përpjekur të rrisë kapacitetet e spitaleve Covid-19 dhe spitaleve të tjerë rajonalë, si dhe duke i dhënë përparësi mbrojtjes së personelit mjekësor, ka shpërndarë pajisje mbrojtëse dhe pajisje mjekësore për stafin shëndetësor, duke siguruar donacione.
Një raport studimor i publikuar nga Shoqata Together for Life, me mbështjen e Fondacionit Westminster për Demokraci, i titulluar ‘Në gjurmën e parave të Covid-19’, zbardh këtë të dhënë, si më poshtë:
Maska mbrojtëse për stafin mjekësor: Maskë mbrojtëse mjekësore e fytyrës (maskë kirurgjikale): 1.150.450 copë
Maska për frymëmarrjen për personelin mjekësor: 98.000 copë
Respiratorë: Nga 200 respiratorë të raportuar në sistemin spitalor para fillimit të pandemisë Covid-19, 173 aparate për frymëmarrje u shtuan përmes blerjeve nga MShMS dhe ndihmës së donatorëve, gjë që rriti kapacitetet e spitaleve Covid dhe rajonal
Monitorë Pacientësh: Janë furnizuar me 330 copë, nga të cilat 46 multifunksionale
Krevatë pacientësh: Janë furnizuar 100 krevatë pacientësh
Ambulanca: 5 ambulanca janë dhuruar dhe u nënshkrua një kontratë për furnizimin me 36 ambulanca të reja.
