Njëri nga anëtarët e bendit ”Rolling Stones” sot ka thënë se Mick Jagger është në një gjendje të keqe shëndetësore pas vdekjes së partneres së tij L’Wren Scott. Bateristi i grupit Charlie Watts ka thënë për MailOnline se Jagger është shumë i pikëlluar dhe se shëndeti i tij nuk është mirë pas vetëvrasjes së të dashurës të hënën.
”Ai po mbahet. Ai është në rregull”, tha Watts para se të thoshte: ”Ai nuk është mirë. Ai nuk është këndej me mendje. Ishte shokuese vetëvrasja e saj”.
Raportet e reja pohojnë se Jagger mësoi për vdekjen e saj derisa ai ishte në një restorant të Perthit dhe mendohet se ishte plotësisht i befasuar.
Komentet e bateristit vijnë vetëm pak kohë pasi ishte shfaqur një fotografi e Jaggerit me zonjën Scott, duke ecur afër shtëpisë së këngëtarit në Londrën perëndimore.
