Ka shkuar në 76 numri i personave nga koronavirusi në vendin tonë, ndërkohë që janë kryer në total 778 testime.
Nga 6 rastet e reja që janë zbuluar në 24 orët e fundit nga 46 teste të kryera gjithsej, 5 prej tyre janë zbuluar në Tiranë dhe 1 në qytetin e Fierit.
Sipas MSH-së nga totali i rasteve të konfirmuara, 59% janë meshkuj dhe 41% janë femra.
Ministria e Shëndetësisë bën me dije se ditët e fundit ka pasur një trend në rritje të moshave mbi 65 vjeç.
“Kemi të prekur nga grupmoshat aktive deri në moshën e tretë. Është vënë një trend në rritje i rasteve pozitive mbi moshën 65 vjeç”, bën me dije Ministria e Shëndetësisë.
Lidhur me dy personat të cilët dolën negativë nga testet, Eugena Tomini e ISHP-së u shpreh: Dy kontakte të pacientit zero kanë rezultuar negativ edhe pas testit konfirmues që përfundoi mbrëmjen e djeshme. Por edhe pas daljes nga spitali, pacientët e rikuperuar duhet të qëndrojnë në vetëkarantinim edhe për 14 ditë të tjera, duke ndjekur masat e kontrollit respirator dhe higjienën personale.
