Kalo troket i pari për të dhuruar gjak. Ivanaj, Harxhi, Nuellari…emrat që ju përgjigjën thirrjes

Bluzat e bardha i janë përgjigjur thirrjes së drejtorisë së QSUT-së për të dhuruar gjak. Duke e njohur mirë nevojën e pacientëve për gjak, në çdo ditë të vitit, mjekët nuk kanë hezituar të ulen vetë në krevatin e dhuruesve. Të qeshur dhe mjaft pozitiv ata kanë treguar si në shumë raste të tjera shpirtin human. Krahas punës së palodhur, të përditshme me pacientët, mjekët punojnë shumë fort për informimin e tyre, për sensibilizimin përmes bashkëpunimit të ngushtë me median vizive dhe atë të shkruar. Kështu, edhe sot ata kanë vendosur të bëhen shembull për të treguar rëndësinë e dhurimit të gjakut, si një veprim që midis të tjerash nuk ndikon aspak në cilësinë e shëndetit të atyre që dhurojnë. Por cilët ishin disa nga emrat që dhuruan gjak?

Doktor Tritan Kalo

Tritan Kalo ka trokitur i pari për të dhuruar gjak. Kalo është infeksionist në Qendrën Spitalore ‘Nënë Tereza’. Ai njihet jo vetëm si një nga profesionistët më elitar në fushën e mjekësisë, por gjithashtu edhe si një zë opozitar shumë i fuqishëm.

Doktor Arjan Harxhi

Nga shërbimi i infektivit gjithashtu është bashkuar dr. Arjan Harxhi. Harxhi është i njohur nga masa e gjerë për punën e madhe që bën në drejtim të sensibilizimit të popullatës sa u takon sëmundjeve infektive.

Doktor Arben Ivanaj

Arben Ivanaj është mjek hematolog në shërbimin e hematologjisë në QSUT. Ivanaj është vendosur shumë herë në krah të pacientëve dhe problematikave që mbart trajtimit i tyre. Gjithashtu Ivanaj ka bërë dhe vazhdon të bëjë një punë shumë të madhe në përmirësimin e shërbimit të hematologjisë.

Doktor Edmon Nuellari

Shefi i shërbimit të kirurgjisë vaskulare, Nuellari njihet për mbështetjen e gjerë që u bën nismave të tilla me në fokus përmirësimin e shërbimit ndaj pacientëve. Thirrjes i janë përgjigjur edhe shefat e shërbimit të kirurgjisë doktor Myzafer Kacaj dhe Arvin Dibra./ Shendeti.com.al

Postime të ngjashme

Çfarë i ndodh trupit tuaj nëse konsumoni një lugë gjelle vaj ulliri në ditë
Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
8 ushqime që ndihmojnë në uljen e rrezikut të goditjes në tru, sipas dietologëve
Shqipëria në planin e OBSH-së për shkëmbimin e të dhënave shëndetësore me vendet e rajonit
Shenjat që mund të tregojnë mungesën e vitaminës D3
Prezantohet Drejtori i Përgjithshëm i Operatorit të Shërbimeve të Kujdesit Shëndetësor