Dr. Blerta Gjoni, dermatologe
Djegiet e përsëritura nga dielli – para së gjithash në fëmijëri – dhe ngarkesa e tepërt me rreze diellore (rrezet e diellit UV), shtojnë rrezikun për t’u shfaqur një melanomë (kancer i lëkurës). Te një numër pacientesh dhe pacientësh ekziston dhe një prirje trashëgimore 
që shton rrezikun nga melanoma.
Parandalimi dhe zbulimi i hershëm:
Masa më e rëndësishme për parandalimin e kancerit të lëkurës është një mbrojtje efektive nga rrezet UV (ultravjollcë):
- Të shmanget me çdo kusht djegia nga dielli
- Midis orës 11 dhe 15, kur ngarkesa me rreze UV është më e madhe, të rrihet nën hije
- Nën diell të mbahet kapele, syzet diellore dhe rroba të përshtatshme.
- Të përdoren kremra për mbrojtjen nga dielli me një faktor të lartë mbrojtës .
- Foshnjat deri në moshën njëvjeçare të mos i ekspozohen kurrë drejtpërdrejt diellit.
- Veçanërisht mirë të mbrohen fëmijët nga dielli.
Ia vlen që lëkurën ta kontrollojmë vetë në distanca të rregullta kohore dhe nishanet pigmentoze t’i vëzhgojmë me saktësi. Po qe se konstatohen ndryshime në nishane, ato duhen kontrolluar tek dermatologu.
