Sapo shtypni butonin e shtyrjes së ziles së alarmit dhe mbyllni përsëri sytë për të fjetur 5 minuta më gjatë, trupi fillon një cikël të ri gjumi dhe lëshon hormone për të rinisur rënien në një fazë gjumi të thellë.
Pas atyre 5 minutave, ju do të zgjoheni përsëri dhe kjo do të ketë një ndërveprim të pafavorshëm midis nxitshmërisë (prodhimit të hormonit të adrenalinës) dhe qetësisë (prodhimit të hormonit të melatoninës).
Sipas studimeve mbi gjumin nga studiues amerikanë, alternimi i vazhdueshëm midis zgjimit dhe rënies përsëri në gjumë e nxjerr jashtë ekuilibrit orën e brendshme të njeriut.
Rrjedhimisht, ritmi i gjumit që rezulton nga ky proces nuk është aspak natyral dhe nese ndodh për një periudhë të gjatë kohore, nuk është as e shëndetshme. Truri nuk arrin dot më të përcaktojë nëse duhet të jetë në gjumë në procesin e çlodhjes apo zgjuar, edhe kjo çon në çrregullime.
Gjumi i ndërprerë rrit rrezikun që lodhja të zgjasë më gjatë.
Personat që e përjetojnë shpesh, shpeshherë ndihen të rraskapitur, të lodhur dhe në gjendje të rënë shpirtërore. Kjo mund të çojë edhe në pagjumësi apo problematika të tjera që ndikojnë jo mirë tek gjumi i shëndetshëm.
Përshtati në Shqip: Marsida Bregasi / Burimi: www.gesundheitsfakten.net
