Shkatërrim i tregut farmaceutik dhe mungesë totale e sigurisë së barnave për pacientët. Këto janë shqetësimet kryesore të përqafësuesve farmaceutikë që po diskutohen në komisionin parlamentar të shëndetësisë. Kryetarja e këtij komisioni Albana Vokshi ka kërkuar praninë e ministrit në komision “për dokumentet e jashtëligjshme që ka firmosur me qëllim lejimin e barnave farmaceutike pa regjistrimin e barnave”.
Përfaqësuesit e firmave theksuan se ky vendim shkatërron këtë treg dhe rrit korrupsionin e barnave. Gjithashtu, Bledar Shora, përfaqësues i Shoqatës së Farmaceutikës, theksoi se ministri i ka marrë këto vendime në fshehtësi, pa pyetur grupet e interesit.
Ajo çfarë ka habitur të pranishmit ka qenë edhe deklarimi i Petrit Vasilit, deputet i LSI-së, i cili theksoi se siguria e pacientit është parim që nuk duhet të preket nga askush dhe se tregu farmaceutik është një treg i siguruar sipas niveleve të BE-së.
