Për të “ushqyer” një kujtesë të mirë, duhet të mos e teproni me ushqime si mishi i kuq, vezët dhe disa lloje peshqish, ushqime të pasura me metioninë, e cila favorizon humbjen e kujtesës.
Studimi i kryer tek kafshët u publikua në takimin mbi Biologjinë Eksperimentale në Boston, SHBA.
Kafshët e ushqyera me një dietë tepër të pasur me metioninë, në pak javë patën një rënie të kujtesës. Autorët e studimit shprehen se metionina, që është një aminoacid, çaktivizon një gjen thelbësor për kujtesën dhe nxënien.
Nuk është hera e parë që theksohet se konsumi i tepruar i metioninës, bashkë me mungesën e vitaminës B12, B6 dhe acidit folik, çon në prodhimin e një substance të lidhur me sëmundjet e zemrës dhe të enëve të gjakut.
Përshtati në shqip: A.Gjypi
