Deputeti i PD-së, Tritan Shehu, ka denoncuar një problem shqetësues për pacientët me sëmundje tumorale të cilët po marrin trajtim tek Pavioni i Onkologjisë në QSUT.
Sipas Shehut, akserelatori linear i vetëm që është aty nuk funksionon dhe askush nuk e di si do zgjidhet defekti. Nuk është bërë akoma viti që kjo aparaturë është vënë në përdorim dhe duket se ka filluar të shfaq probleme.
Lexoni denoncimin e deputetit Shehu
Nga QSUT vjen një lajm shumë shqetësues për të sëmuret tumoralë që trajtohen me radioterapi.
Akseleratori linear I vetëm që është tek Onkologjia nuk funksionon dhe askush nuk e di se kur mund të zgjidhet defekti.
Edhe pajisja e vjetër e kobaltit, që normalisht ka indikacione shumë të kufizuara tashmë, ka probleme.
Ndërprerja qoftë edhe e përkohshme e këtij trajtimi mund të jetë me pasoja të rënda për të sëmurët.
Kjo është një nga arsyet pse gjithmonë akseleratorët lineare vendosen në çift.
Ndërsa aty të sëmurëve u thuhet të presin…
Në këto kushte duhet vendime të shpejta nga drejtuesit e institucionit.
1-Të sëmurët duhen trajtuar nga akseleratori i neurologjisë që aktualisht punon, jo larg onkologjisë.
2-Ose të trajtohen në spitalin privat që zotëron një cift të tille akseleratorësh, me të gjitha shpenzimet të përballuara nga QSUT.
Në rast të kundërt, rrezikohet ecuria e këtyre pacientëve seriozisht, gjë që do të kërkojë përgjegjësitë.
